A Dhé (lyrics)
Ní fuil ná feoil é, a Dhé,
d'íomhá bréige
-blás liath na cré-
ach fáiscim chugam é
go bpléascann go beatha.
Ní faoiseamh ceist
(ná freagra).
An amhlaidh a ghráim
an t-íomhá ciúin
nach bhfreagróidh ar ais mé
agus go
dtuigeann Tusa m'fhulaingt dhian
mar a thuigimse é?
B'fhédir nach í an cheist
(ná an freagra)
an fhadhb
(ná an freagra)
Ní hí, a Dhé.
Ní thuigim.
Ní heol dom.
Ní dheimhním faic - fós
ach sin.
Bí ann nó as
táimse ag triall Ort
agus má tá
cuirim geasa Ort
mé a shábháil
ón dream
a deir
gur fear fuar
sa spéir Thú.
A Dhé,
tá m-eiriceachtaí gan teorainn
ach nárbh fhearr Leat sin
ná leannán theas bhainne na bó
nach mbreathnódh siar Ort
ó cheann ceann na bliana?
A Dhé,
Ní hé réiteach na faidhbe an réiteach.
Níl aon draíocht nua ar tairiscint.
Caithfeadsa an deilgneach a thaisteal.
Níl scíth ná aimsiú ar ghrinneall.
B'fhearr liom an t-uisce fuar san éadan anois
ná níos deireanaí.
Táim réidh mo phatrún caoch a shníomh
ar chanbhás streilleach.
Ionsaím ceisteanna cantalacha an lae
(corp, croí agus intinn).
Deir an cathú leiom
"Ná déan!"
Cén mhaith áilleacht dhuthain?
Cén mhaith?
Ach cuimhnigh -
nach é an freagra an réiteach
Ach an t-iarmhar gránna--
luaith mharbh na hoíche--
gréithre salacha ar maidin--
comharthaí mo bháis féin
agus
mé do shíor á ghlanadh
(gréithre, croí agus intinn).
Dearmad tamall, a Dhé,
ar bhlas liath na cré.
(Is measa an dearmad.)
Céard a dhéanfainn
ach go n-adhraim
an bheatha dhuairc seo?
Fáiscim chugam an mhallacht.
Ní fios cén fhad a mhairfeas.
Ach, a Dhé,
slíocaim, cíoraim, freastalaím.
Folaím san éadach cumhra na créachtaí gránna.
Dallamullóg mo cheirdse.
Meangaim,
sínim,
Pógaim do thaobh dheas.
Tá gealladh in earrach.
Santaím a bhíogadh.
/1 
发表于 2021-9-25 13:29:57
提升卡
置顶卡